Virtual Learning Network

Ko Te Waha o te Riri te Maunga. Ko Te Tii Mangonui te Moana. Ko Whitiora, Hiruharama me Rangiawhiowhio ngā Marae. Ko Ngatokimatawhaorua te Waka. Ko Tareha te tupuna. Ngati Rehia te hapu ririki i roto i Te Taitokerau ara, Ngapuhi nui tonu.

Ngai Tāwake ki te waoku, mata kiki. Ngai Tāwake ki te tuawhenua mata kaka, Ngai Tāwake ki te tahataha moana, te kainga i tupu ake au, mata momoe.

Taku tāne ko Te Kaha Hati no Te Kauimua, Ngati Hine. E rua o māua tamariki, Te Waitapu te mātamua, Mark Takangarao Tasman te pōtiki. E wha ngā tamariki o Te Waitapu ko Te Mihinga, Nancy, Bill-Pokai me Pita-Moana. E rua ngā tamariki o Mark. Ko Emily me Te Kaha.

Te kaupapa e awhi nei ahau ara, He Pikinga Reo, e whakapono ana ahau ki enei mahi. Te take mōku, ae he reo ano te reo Māori o tenei ra, engari me ako ano kia ū ki te reo o te kainga. Ma te hau kainga ano te reo nei e whakaoho ake e whakawhiriwhiri e aha te huarahi pono hei whāngai atu ki ngā kaiako ā heke iho ki ngā purapura kia pūawai ai te reo o Te Taitokerau. I roto i enei mahi e mau ana i ahau i ngā mātauranga o tēna, o tēna o ōku hoa mahi. Ngā pūkenga i waenganui i te roopu o He Pikinga Reo he maha. He kaupapa homai, hoatu ki noa te kete o tēna, o tēna o mātou, na ka whakapūaretia ngā kete ki ngā kaiako o te motu.

Nau mai haere mai ngā kaiako, ngā tāngata ki tenei kokonga ō He Pikinga Reo. Ngā mihi ki ā koutou katoa.