Log in
Search

Tūtakina te iwi

  • Public
Started by Tahu Paki  06 May 2015 6:54am () Replies (79)

Tuhia mai tō ingoatō tūranga i tō kura, me te pakeke o ngā tamariki ka whakaakona e koe . Whakamāramatia mai ko wai koe, nō whea hoki koe! wink

Replies

  • Tahu Paki  (View all users posts) 06 May 2015 9:16am ()

    Whawhati ana ngā tai o mihi e kare mā! Ko Tahu Paki tōku ingoa. He poutakawaenga ahau ki te kamupene o CORE Education Ltd. E noho ana ahau ki te whenua taurikura o Whakatū ki te Tauihu Waka. Nō Ngāti Maniapoto ki Waitomo nō Ngāpuhi ki Te Hokianga ahau!

     

  • Rosalie Reiri (View all users posts) 09 May 2015 2:36pm ()

    I whānau mai a Manukura ki raro, he heke tuna, he heke rangatira ki runga, mai i te hau makariri o Rimutaka tae atu ki te whekenui o Kupe ki tai, tēnā koutou katoa. He uri tēnei nō Ngāti Kahungunu ki Wairarapa, Rangitāne, Ngāti Porou hoki. Ko Rosalie Reiri tōku ingoa, he kaimahi mō Tātai Aho Rau, kei Tāmaki Makaurau ahau e noho ana. Mauri ora!

  • Nichole Gully (View all users posts) 06 May 2015 9:56am ()

    Topa haere ana te manu aute nei i runga ake i a Maunga Haumi i te urunga mai o te rā, e anga atu ana te keokeonga o Aoraki Matatū. Ko Nichole Gully tōku ingoa, he poutakawaenga hoki tēnei ki te CORE Eduction. Kei te oinga o te whehua, kei Ōtautahi e noho ana heoi nō Te Aitanga a-Māhaki, nō Rongomaiwahine anō hoki.wink

  • Thomas Parata (View all users posts) 06 May 2015 4:57pm ()

    Ko te kuti, ko te wera, ko te haua e ko Apanui. Ko Thomas Parata ahau. Ko au te kaiwhakahaere o te wāhanga reo rua ki te kura o St Albans - Te Tikanga Rua Reo. Kei Ōtautahi ahau e noho ana, engari, i tipu ake ahau i Te Kaha. Ko Te Whānau a Apanui, ko Ngāitai, ko Ngāti Koata, ko Rākaipaaka ngā iwi. E whakaako ana ahau i ngā tau 1 ki ngā tau 2. 5-7 ngā pakeke.

  • Tahu Paki  (View all users posts) 12 May 2015 12:53pm ()

    Kia ora Tame! Rarau mai rā ki te rōpū nei! Me panoni pea koe i tō tuatangata kia kite atu te marea i tō kanohi menemene! 

  • Pania Whauwhau (View all users posts) 07 May 2015 9:52am ()

    Ko te amorangi ki mua ko te hāpai ō ki muri, te tūturutanga mahi pono o te Māori mana motuhake. E rere taku manu ki te tihi o Pirongia. E topa iho ki runga i ngā wai o Waipā.  Te Awa e tere nei te waka o Tainui. Nei a Waikato Maniapoto tangata e mihi nei. Tēnā koutou Ko Pania Whauwhau taku ingoa.  He poutakawaenga ahau mō  Tātai Aho Rau - Core Education i raro i te maru o Te Toi Tupu. 

  • Wharehoka Wano (View all users posts) 07 May 2015 10:27am ()

    He puawai nō runga i te tikanga he raurenga au nō runga i te raukura ko taku raukura he manawanui ki te ao tīhei mauriora. Ko Taranaki, ko Te Atiawa, ko Ngāti Awa ngā iwi kei Ngāmotu au e noho ana. He kaihautū taku tūranga ki roto i te pa harakeke o Tātai aho rau o CORE Education. 'Tukua to tātou reo kia rere'.

  • Treena Shee (View all users posts) 11 May 2015 9:48pm ()

    Kia mau tonu ki tēnā, kia mau ki te kawau mārō. Whanake ake! Whanake ake! Ko Treena tōku ingoa, he pouako ahau ki TKKM o Tuia Te Matangi, kei au ngā anahera o ngā tau 3 me te 4. He uri tēnei nō Ngāti Maniapoto, e noho ana au ki te hāpori ataahua o Ngātimoti, 63 ngā kiromita te tawhiti mai Whakatū ki Te Tau Ihu. Kia ora!!!!

  • Tahu Paki  (View all users posts) 12 May 2015 12:53pm ()

    E te whanaunga o Te Nehenehenui tāuti mai anō ki tō tātou nei whārangi whakangungu pouako! 

  • Rauoriwa Matariki Jennings (View all users posts) 12 May 2015 1:23pm ()

    Kia wairua māori, kia tangata māori, kia reo māori - anā te hā!  Ko Rau-Oriwa Jennings tōku ingoa.  He kaimahi ahau i raro iho i te maru o Te Kura Kaupapa Māori o Tuia Te Matangi ki Te Tau Ihu o Te Waka ā Maui.  He pouako ahau mā ngā tau 6, 7, 8 hoki.  He uri whakaheke tēnei nō Ngāti Kahungunu ki Te Wairoa.  Tihei mauri ora.

     

     

  • Tahu Paki  (View all users posts) 12 May 2015 2:27pm ()

    Hō! Piki mai kake mai e kare ki te rōpū Reo Atu Reo Mai! 

  • Emerald (View all users posts) 12 May 2015 2:43pm ()

    "Ko te manu e kai ana te miro, nōna te ngahere, ko te manu e kai ana te matauranga, nōna te ao"

    Tena koutou katoa. Ko Emerald Te Kiriaho Hakiaha tōku ingoa. Nō Ngati Pūkeko me Ngai Tuhoe ahau. Kei Tauranga Moana matau ko tōku whanau e noho ana. He pouako ahau kei ngā Akomanga Rūmaki i te kura o Peterehema. I tēnei tau, he tau 2-4 ngā ākonga. Ngā mihi mahana ki a koutou katoa!

  • Pania Whauwhau (View all users posts) 21 May 2015 4:21pm ()

    Tēnā koe Te Kiriaho, nau mai tauti mai ki te rōpū o Reo Atu Reo Mai!!!!

  • Moana Lucas (View all users posts) 12 Aug 2015 3:36pm ()

    Tēnā koe Pania,

    "Whaia te iti kahurangi, ki te tuohu koe me he maunga teitei"

    Ko Moana Kay Lucas tōku ingoa.  Ko Mauao te maunga, ko Tauranga te moana, Ko Mataatua raua ko Takitimu ōku waka, ko Ngati Ranginui te iwi, Ko Ngati Hangarau te hapu, Ko Hangarau te marae.  Ko ahau te kaiako o ngā tamariki o te tau 4-6 o te whanau rūmaki o Te Kura o Peterehema kei Tauranga Moana nei. 

    Noho ora mai!

  • Tahu Paki  (View all users posts) 12 May 2015 3:50pm ()

    Mokori anō kia rere a mihi ki a koe e noho ana ki te wāhi taurikura o Tauranga Moana. Rarau mai rā ki te rōpū o Reo Atu Reo Mai.

Join this group to contribute to discussions.