Log in
Search

Nau mai ki te rōpū nei - Mihi mai, mihi mai

Started by Moana Timoko 22 Aug 2013 8:00pm () Replies (5)

Nau mai ki te rōpū nei.  Ko tēnei te mihi ā-ipurangi ki a koutou.

Nō reira mihi mai, mihi mai.

Nō hea koe?  He aha āu mahi?  Kei hea tō kura?  He aha tāu e pai ai?

Hena tukua mai.

Replies

  • Hoana Hati (View all users posts) 23 Aug 2013 7:51am ()

    Ngā mihi mahana ki a koe e whakatū nei i tenei hononga mo tātou. Ahau nei no te Nōta, he Poutakawaenga ahau mo He Pikinga Reo i raro i te mārara o Core. Taku mahi he whakapiki ake i ngā reo o ngā kaiako i roto i ngā kura o te Nōta. Kei roto ahau i ngā kura o Kaikohekohe, Tautoro me Waikare. Taku e tino waimarie nei ki ēnei mahi, e maha ngā tamariki e mou ana ki te whakatika i o rātou reo. Ko te huarahi ko ngā kaiako. E hara ko ahau anake engari te roopu awhina i waenganui i te roopu o He Pikinga Reo me te whanau Māori o Core. Ngā pūkenga o tēnā, o tēnā he maha ngā tāngata hei awhina mai i ngā mahi nei kia rere ai te reo i roto i o tātou kura. Te whakahono i te reo ki ngā mahi i runga i ngā ipurangi, miharo pai.

  • Beth Dixon (View all users posts) 29 Aug 2013 2:42pm ()

    Heoi anō, me mihi ka tika te kaupapa nei ka tahi.  Ka rua, ki a koe e te whanaun'a, e Rere ... kātahi te whakaaro ran'atira kia whakaritea te rōpū nei hai wāhi whitiwhiti whakaaro.  Koia kai a koe e kare!

    Katoa wōku o te whānau Tamehana, o N'ati Koura, o N'ai Tūhoe ki Ruatoki e mihi atu ana ki te hun'a tau mai ki te whāran'i nei.  Ko Beth taku in'oa, he rin'a tēnei mō Te Marautan'a o Aotearoa.  Kua whai hua ahau i te mahi nei otirā i te noho tahi me te whānau o tēnā kura, o tēnā kura kia wetekina wō rātau whakaaro mō tēnei mea te Marau-ā-Kura.  He nui n'a wawata, n'ā moemoeā, n'ā kōin'o ... hai tā taku pāpā, a Hirini ... 

    "Ko te whare whakahirahira o te iwi e, hei whakairi i ngā tūmanako, i ngā wawata i ngā moemoeā..."

    Kāti, ka whakairihia te kete mihi ki konei e hoa mā ... hai tōna wā ... 


  • Reremoana Taipeti (View all users posts) 05 Sep 2013 9:55am ()

    Nga mihi nui i whakauru mai nei ki roto i tenei roopu whakahirahira. Aroha mai karekau au i tere ki te whakautu atu i a koutou mihi, i te mea kei te akoako tonu au ki tenei whakangungu te BeL PLD, na reira, ko Reremoana Taipeti toku ingoa, no Ruatoki, ko Tuhoe te Iwi, ko Te Mahurehure me Ngati Rongo nga hapu.  Kei te Kura Kaupapa Maori o Mangere au e mahi ana ko au te kaiako mo Te Reo Rangatira taumata 1, 2, 3. 

  • anna (View all users posts) 05 Sep 2013 10:01am ()

    He mihi mahana kia tatau, ko Anna Houston ahau. Ko taku mahi ko te kaiako ICT ki Te Kura Kaupapa Maori a rohe o Mangere.  

Join this group to contribute to discussions.