Log in
Search
  • Blogs
  • He Kuranga Tukutuku He Kuranga Tangotango - Kāinga

He Kuranga Tukutuku He Kuranga Tangotango - Kāinga's blogs

  • Ngā Whai Hākoritanga ā Hiko: He momo akoranga ā hiko te whai hākoritanga ā hiko . He akoranga rāwekeweke he akoranga hoki e whai huaputa o nga whainga paetae i ngā mārautanga, kaupapa, ihirangi ako. Ko te tino painga o ngā akoranga pēnei i ēnei, ko ngā āhuatanga uaua ki te whakaako, pērā i ngā kaupapa mōrearea me ngā kaupapa o ao kē. 
    He painga hoki, te āhua o ngā hākoritanga ā hiko pēnei i ēnei ki ngā tamariki, a, he āhua ōrite ki tētehi kēmū. Nā te honohono ki ngā momo pūnaha a te Pātaka Whakaakoranga ā Hiko ki te whakakotahiti i ngā akoranga katoa, ka whai tōtika te huarahi ako mō ngā ākonga.

    kiriata1.jpg Tūrama, kāmera, timata: whakatikatika
    Wāhanga Ako: Te Whakaatu me te Mātakitaki
    Tau: 5-9. 
    Te Whakamārama: Tūhura ka pēhea te whakatikatika e āwhina ki te kōrero i tētahi kōrero i ngā kiriata. Ākona he kupu mō ngā whakawhitinga me ngā houanga kāpeka o ngā kiriata. Titiro ka pēhea te raupapa kāpeka me ngā momo whakawhitinga e awe ai i te rere o te kiriata, te whakatau wairua me te pupuri tonu i te aro o ngā kaimātaki. Ka tirohia ngā āhua hanga kare ā roto pēnei i te whakaongaonga, te pukuhohe me te mataku. Hei tauira: ka taea e te whakawhitinga 'muhani mai' te whakauru ngāwari i te kaupapa, me te hanga i te wairua whaiāipo. Titiro ki te raupapa whakaahua tauira i tētehi kiriata whaiāipo. Ka taea te kite i te rerekētanga ka puta mai i ngā kōwhiringa whakatika rerekē ki te tikanga o tētehi kāpeka. Kōwhiria he raupapa whakaahua mō tētahi kiriata pukuhohe, wiwini rānei. Tipakohia he whakaahua hei hanga i te wairua whakamataku, hei whakarite i te kōrero katakata rānei. Ko tēnei hākoritanga ako tētehi o ngā hākoritanga ako e whā.


    kowao.jpg Te whakataurite i ngā kōwhiringa: Te Papa Kararehe Kōwao
    Wāhanga Ako: Ngā Akoranga ā-Rohe o te Pāpori me te Taiao
    Tau: 4. 
    Te Whakamārama: Āwhinatia tētahi kaunihera ā rohe ki te rapu i ngā whakaaro rerekē e pā ana ki te whakatū i tētehi papa kararehe kōwao. Kohikohia he meka me ngā whakaaro mai i te iwi kāinga, i ngā kaitautoko i te papa kararehe kōwao me te kaiwhakawhanake o te papa kararehe kōwao nei. Whakatairitea ngā kōwhiringa, ka kōwhiri ai i te mahere e tino pai ai tana whakatau i ngā take kua whakarewaina e ngā rōpū whai pānga katoa. Whakamāramatia ngā pūtake mō tō tūtohutanga. Ko tēnei ahanoa ako tētehi o roto i te rārangi ahanoa e whā.
     

    tokeke.jpg Te hanga ture: whakarite kia tōkeke
    Wāhanga Ako : Te Hapori me te Taiao
    Tau: 4. 
    Te Whakamārama: Whakamātauria te hoahoa i tētehi kēmu poikiri māmā. Kitea te rerekē haere o te kēmu ina whakarerekētia ngā ture. Whai whakaarohia ngā pānga o te whakauru i ngā āhuatanga tākaro hōu pēnei i te whakarerekē i te rahi o te pōro. Kōwhirihia he ture kia noho tōkeke te kēmu. Whakawaiwaia te whiwhi piro. Ko tēnei ahanoa ako tētehi o roto i te rārangi ahanoa e rua.

     sabai.jpg Te waka o te moutere o Saibai 
    Wāhanga Ako: Te Ahurea me te Tukunga Iho 
    Tau: 4. 
    Te Whakamārama: Haere koe mā runga i tētehi waka moana taketake o ngā Moutere o Torres Strait ki te hī ika me te tūhura i te hira o te moana ki te tangata whenua. Hōparatia tētehi mahere o ngā Moutere o te Moana Torres e whakaatu ana i ngā rōpū moutere matua. Āta tirohia tētehi waka ama taketake nō te moutere o Saibai. Tirohia ngā pūtake me te hanga o te tākere, ngā rā, ngā hoe me ngā taputapu hī. Torotoroa ngā taputapu me ngā tikanga hī ika taketake. Hopukina kaimoana mō tētehi hākari: te dugong, te honu, te tawatawa, te kānae me te araara. Me whakarite kia kōwhiria te taputapu tika mō ia kararehe, kaua e inati rawa ō mahi ika, ā, ka hoki anō ki te moutere i te wā tika mō te hākari.

     1288_2.jpg Te haumarutanga i te tāhuna
    Wāhanga Ako
    : Ngā Reo 
    Tau: 5-9. 
    Te Whakamārama: Tirohia te hiranga o te haumarutanga i te tāhuna me te tiaki kiri. Kōrero ki tētehi pouora me ngā tāngata noho tāhuna e pā ana ki te noho haumaru. Hangaia he ataata hei whakaara i te mōhiotanga ki te noho haumaru i te tāhuna. Kōwhiria ētehi hopu whakaahua ataata e whakaatu i ngā whanonga e tika ana. Tūhuratia ngā rerekētanga o te reo ōpaki i te reo ōkawa. Kōwhiria ngā tuhinga e tika ana mō te ataata me te reo hāngai.


     2044_2.jpg Tūrama me te whakaata: kei raro i te tiwhiri
    Wāhanga Ako
    : Pūngao me te panoni 
    Tau: 5-6. 
    Te Whakamārama: Whakaritea ngā tūrama atamira mō tētahi pēne waiata pao. Kōwhiria he whakaata koropuku hei whakamārama i te pēne, tētahi whakaata kōpapa rānei hei miramira i tētahi mema o te pēne. Kōwhiria tētahi tauira whakamārama kia arotau ai ki te raupapa e whakatangi. Ko tēnei hākoritanga ako tētehi o ngā hākoritanga ako e whā. 

    2846_2.jpg Tūrama, kamera, timata: whakakā tūrama
    Wāhanga Ako
    : Pānui me te Mātakitaki
    Tau: 5-9. 
    Te Whakamārama
    Tūhura ka pēhea ngā pānga tūrama e whakamahia ai hei kōrero i tētahi kōrero. Ākona he kupu hei whakaahua ka hanga tūrama, pānga tūrama rānei. Tirohia ka pēhea ngā kōwhiringa tūrama e huna ai, e whakaputa ai rānei i ngā āhuatanga, e whakatau wairua ai, e awe ai ngā kare ā roto o ngā kaimātakitaki. Tirohia ngā ara hanga kare ā roto pēnei i te whakaongaonga, te pukuhohe me te mataku. Hei tauira, ka taea e te 'tūrama kaurerehu' te whakangāwari i te kaupapa me te tāpiri i te wairua whaiāipo. Titiro ki tetahi raupapa tauira o ngā hopu whakaahua i tetahi kiriata whaiāipo. Ka taea te kite ka pēhea te tirohanga ā karu rerekē e whakarerekē ai i te tikanga o tētahi kāpeka. Kōwhirihia ngā pānga tūrama mo tētahi kiriata whaiāipo, mataku rānei. Whakarerekētia ngā pae turama me te whakamahi pānga hei hanga i te wairua whakamataku, hei whakarite i tētahi kaupapa whakakata rānei.

    6195_1.jpg Ngā mīharotanga o te ao: hū puia
    Wāhanga Ako
    : Ngā Reo 
    Tau: 7-9. 
    Te Whakamārama: Tuhia he tuhinga e pā ana ki ngā hū puia mō tētehi hōtaka pouaka whakaata. Āwhinatia tētehi kairangahau ki te whakaraupapa i ngā meka me ngā pikitia. Whakamahia te hanganga tauira, te tauira tuhinga me ngā whakaahua hei tuhi i tētehi kōrero whakamārama. Tāurutia he wāhanga mō ngā pūtake, ngā tukanga me ngā otinga. Tūhonotia ngā ariā i te tuhinga ki ngā kupu tūhonohono pēnei i te 'heoi anō' me 'ā tōna wā'. Ko tēnei hākoritanga ako tētehi o ngā hākoritanga ako e whā.


    8551_2.jpg Rapuhia te kararehe: he ika tēnei
    Wāhanga Ako
    : Ō Mataora 
    Tau: 5-7. 
    Te Whakamārama: Whakarōpūtia ngā kararehe e ai ki ngā āhuatanga ōkiko. Hei tauira, tautuhia ngā kararehe whai tuaiwi, kātahi ka tautuhi i tētehi huinga kararehe hanga waiū hei whakangote. Mahia tētehi rārangi o ngā āhuatanga ōkiko hei whakarōpū kararehe, hei tautuhi ika. Ko tēnei hākoritanga ako tētehi o ngā hākoritanga ako e whā.


    2847_2.jpg Tūrama, kamera, mahia: oro
    Wāhanga Ako: Te Whakaatu me te Mātakitaki 
    Tau: 5-9. 
    Te Whakamārama: Tūhuratia ngā ara whakamahi oro ki ngā kiriata hei whakaatu i tētahi kōrero. Ākona ngā kupu e whakamahia ana hei whakaahua i ngā pānga oro me ōna taurangi. Whakarongo ki ngā āhua e hunaia ai, e whakakitea ai ētahi mea, e kaha ake ai te whai kiko, me te whakatau i te wairua i akiaki i ngā kare ā roto o ngā kaimātakitaki. Ka titiro ki ngā mahi hei whakarite wairua ohorere, pōuri me te mataku rānei. Hei tauira, ka whakatau te mahi ohooho e te puoro tere. Āta tirohia ki te puoro o te kiriata whaiāipo. I kitea i rongo rānei i te whakarerekē o ngā puoro ki te kaupapa o te kiriata. Kōwhirihia ngā pānga oro mō tētehi kiriata pukuhohe kiriata wīwini rānei. Tāpirihia ngā puoro pānga oro rānei ki te hanga wairua wīwini ki te hanga kōrero pukuhohe rānei. Ko tēnei hākoritanga ako tētehi o ngā hākoritanga ako e whā.

He Kuranga Tukutuku He Kuranga Tangotango - Kāinga

He Kuranga Tukutuku He Kuranga Tangotango - Kāinga

He rōpū hei wānanga i te kōkiri i ngā kaupapa ako me te kōtuitui akoranga ā kanohi mai, ā hiko mai tēnei.

Archives